Dragoi Bola

Dragon Ball (ドラゴンボール), euskaraz Dragoi Bola, Akira Toriyama-ren komiki lan luzeena eta ospe handikoena da gaurdaino. 1984ko azaroaren 20an (astekariaren azalean abenduaren 3an) hasi zen argitaratzen Shueisharen Weekly Shonen Jump astekarian eta 520 atal eta 7800 orrialderen ostean, 1995eko maiatzaren 23an iritsi zen bere amaiera. Ordurako mundu guztian ezagunak ziren bai Dragoi Bola, bai Dragoi Bola Z marrazki bizidunen telesaila, animazio filmak, bideo-jokoak eta Son Goku eta bere lagunen abenturetan oinarritutako era guztietako beste milaka produktu.

Dragoi Bola astero argitaratzen zioan bitartean, guztira 42 liburuz osaturiko kolekzio bezala ere kaleratu 1984tik 1995era . Gerora, 2002urtean, Kanzenban deritzon 34 liburuz osaturiko kolekzio berezian berriz argitaratu zuten. Azken edizio honetan, astekarian agertutako jatorrizko orrialde koloreztatuak berreskuratuz eta Toriyamak berak marraztutako amaiera alternatibo batekin. 2013az geroztik digitalki koloreztatuta argitaratu dute Dragoi Bola bai Japonian, baita beste hainbat herrialdeetan.

Munduan zehar, formatu eta hizkuntza askotan argitaratu da Dragoi Bola; Espainian gazteleraz eta Katalunian katalanez esaterako. Euskal Herrian ordea ez da inoiz Dragoi Bolaren komikirik euskaraz argitaratu, bai ordea 90eko hamarkadan Euskal Telebistan igorritako Dragoi Bola marrazki bizidunen telesaila. Hau, oso-osorik bikoiztu zen euskarara eta bikoizketa horretan izan ere daude oinarrituta jarraian aurkezten ditugun komikiaren atalak.